काठमाडौं । छिमेक लघुवित्त वित्तीय संस्था लिमिटेडले ६९ हजार कित्ता संस्थापक शेयर विक्रीमा आएको छ । कम्पनीले अन्य व्यक्ति तथा संस्थाहरुले समेत खरीद गर्न पाउने गरी यी शेयर विक्रीमा आएको हो । वैशाख १० गतेदेखि २१ गतेसम्म आवेदन पेश गर्न पाउने गरि कम्पनीले यी शेयर विक्रीमा आएका हो ।

यस अघि कम्पनीले यी शेयर विद्यमान संस्थापक शेयरधनीहरुले मात्र निष्कासन गरेको थियो । सो अवधिमा विक्री नभएको यी शेयर दोस्रो व्यक्ति तथा संस्थाहरुले खरीद गर्न पाउने गरी विक्रीमा आएको हो । प्रतिकित्ता ४४५ रुपैयाँ तोकिएको यी शेयर खरीद गर्न लगानीकर्ताहरुले तोकिएको मूल्य वा सोभन्दा बढी मूल्य अंकित गरी न्यूनतम ५ हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । कम्पनीको शेयर विक्री प्रबन्धकमा एनआईसी एशिया क्यापिटल लिमिटेड रहेको छ ।