काठमाडौं । क्यापिटल म्याक्स सेक्युरिटिज लिमिटेडले पुस ११ गते तेस्रो वार्षिक साधारण सभा बोलाएको छ । मंसिर १७ गते बसेको कम्पनीको सञ्चालक समितिको बैठकले ज्ञानेश्वर, काठमाडौंमा दिनको ३ः३० बजे सभा गर्ने निर्णय गरेको हो ।

सभाले गत आर्थिक वर्ष ०८१/८२ को वार्षिक प्रतिवेदन सहितका वित्तीय विवरणहरु पारित गर्नुका साथै चालू आर्थिक वर्षको लागि लेखापरिक्षक नियुक्ति र निजको पारिश्रमिक निर्धारणको विषय टुङ्ग्याउनेछ । गत वर्षको मुनाफाबाट कम्पनीले २० प्रतिशत बोनस शेयर र कर प्रयोजनका लागि समेत १० दशमलव ९ प्रतिशत नगद लाभांश वितरण गर्ने प्रस्ताव गरेको छ ।

उल्लेखित प्रस्तावहरुसँगै कम्पनीको अधिकृत तथा जारी पूँजी बृद्धि गर्ने, कम्पनीको प्रबन्धपत्र तथा नियमावली संशोधन गर्ने प्रस्ताव पनि सभाले गरेको छ । यो कम्पनी धितोपत्र दलाल व्यवसाय गर्ने कम्पनी हो ।