हुम्ला । सुत्केरी भएको साढे एक घण्टामै एक महिलाको मृत्यु भएको छ । सर्केगार्ड गाउँपालिका–७ को रोडिकोट गाउँकी २४ वर्षीया रिता हमालको सुत्केरी भएको साढे एक घण्टामै मृत्यु भएको हो । प्रहरी नायब उपरीक्षक रवीन्द्र खनालका अनुसार ०८१ वैशाख ९ गते राति साढे नौ बजे रोडिकोट स्वास्थ्य चौकीमा छोरी जन्माएकी थिइन् ।

त्यसपछि हमालको होस नआएर राति १२ बजे मृत्यु भएको थियो । जिल्ला अस्पतालकी वरिष्ठ अनमी सरिता बोहराले सुत्केरी भइसकेपछि उच्च रक्तश्रावका कारण हमालको मृत्यु भएको बताइन् । बगिरहेको रगत रोक्नका लागि जति औषधि गरे पनि नरोकिँदा उनको मृत्यु भएको बताइएको छ ।

हमाल पहिलो पटक सुत्केरी भएकी हुन् । नवजात शिशु भने यतिबेलासम्म सकुशल रहेको मृतकका आफन्त सक्कलाल उपाध्यायले बताए । नवजात शिशुलाई सर्किदेउ स्वास्थ्य चौकीमा लगिएको छ ।