युवाहरूका ढुकढुकी, अत्यन्त भद्र, सालीन तथा समाजसेवामा समर्पित व्यक्तित्वका धनी, विकासप्रेमी आदरणीय सर विष्णु बहादुर खड्काज्यू प्रतिनिधि सभा निर्वाचन २०८२ मा सुर्खेत जिल्ला निर्वाचन क्षेत्र नं. १ बाट २६,८९७ मत ल्याएर ८,००७ मतको प्रभावशाली अन्तरले विजयी हुनुभएको खबरले हामी सबै अत्यन्त हर्षित तथा गौरवान्वित भएका छौँ ।
जनताको विश्वास, आशा र अपेक्षालाई आत्मसात् गर्दै यहाँसम्म पुग्नुभएको यस ऐतिहासिक सफलताले उहाँको नेतृत्व क्षमता, जनसेवाप्रतिको प्रतिबद्धता र निरन्तर सक्रियताप्रति जनताले व्यक्त गरेको भरोसालाई स्पष्ट रूपमा प्रतिबिम्बित गरेको छ । यो विजय केवल व्यक्तिगत सफलता मात्र नभई समग्र सुर्खेतवासी र विकासप्रेमी नागरिकहरूको साझा उपलब्धि पनि हो।
आगामी दिनहरूमा उहाँले जनताको भावना र आकांक्षालाई केन्द्रमा राख्दै सुशासन, पारदर्शिता, विकास र समृद्धिको मार्गमा थप सशक्त भूमिका निर्वाह गर्नुहुनेछ भन्ने पूर्ण विश्वास लिएका छौँ । यस ऐतिहासिक विजयका लागि हार्दिक बधाई ज्ञापन गर्दै उहाँको सफल, प्रभावकारी र उदाहरणीय कार्यकालको हार्दिक शुभकामना व्यक्त गर्दछौँ । उहाँको निरन्तर प्रगति, सुस्वास्थ्य र दीर्घायुको कामना गर्दछौँ ।