अज्ञात समुहद्धारा विद्यालयमा आगजनी

Logo
नन्द सिंह आइतबार, भाद्र ०८, २०८२

हुम्ला । हुम्लाको सदरमुकाम सिमकोट स्थित भिमसेन आधारभूत विद्यालयमा अज्ञात समूहद्धारा आगजनी गरेको छ। भदाै ७ गते रातीको समयमा सिमकोट गाउँपालिका-५ स्थित भिमसेन आधारभूत विद्यालयमा अज्ञात समूहले आगो लगाएको सोही विद्यालयका प्रधानाध्यापक कालिबहादुर शाहीले बताउनुभयो ।

शनिबारको मौका छोपी उक्त विद्यालयको प्रशासन भवनमा आगो लगाएको प्रधानाध्यपक शाहीको भनाई छ । उहाँका अनुसार रातीको समयमा प्रशासन कार्यालयको ढोकामा रहेको ताला तोडफोड गरि भित्र गएर भौतिक संरचनामा क्षेती बनाएको छ ।

उक्त कार्यालयमा रहेको टेवल, दराज, बेन्च र विभिन्न कागजपत्र आगो लगाएर धोस्त बनाएको प्रधानाध्यापक शाहीको भनाई छ । विद्यालय परिवारले आफ्नो प्रशासन कार्यालयमा राखिएको १० लिटर मट्टितेल खनाएर आगो लगाएर ठूलो रुपमा क्षेती बनाएको प्रधानाध्यापक शाहीले बताउनुभयो ।

सो विद्यालयमा आठ जना शिक्षक र एक जना कार्यालय सहयोगि कार्यरत छन । भने १ सय ४४ जना विद्यार्थी अध्यानरत छन् । उनिहरू सबैलाई मानशिक टचर भएको प्रधानाध्यापक शाहीले बताउनुभयो । उक्त समस्याका कारण पठनपाठन समेत प्रभावित भएको छ ।

विद्यालय जस्तो पवित्र स्थलमा यसरी आगो लगाउनु राम्रो नभएको भन्दै आगजनी गर्नेहरूको खोजि कार्य तिब्र हुने विद्यालय व्यवस्थापन समितिका अध्यक्ष लोकजन रावतले बताउनुभयो ।

विद्यालयमा आगो लगाएको जानकारी भदाै ८ गते विहान जानकारी भएको र जानकारी हुदा वित्तिकै प्रहरीलाई जानकारी गराएको इन्स्पेक्टर जङगबहादुर सिंहले बताउनुभयो । उहाँका अनुसार प्रहरी मुचुल्का गरिएको भए पनि क्षेतीको विवरण भने पर्याप्त आउन सकेको छैन । प्रहरीले उक्त घटनाको थप अनुसन्धान गरि रहेको बताएको छ ।

प्रतिक्रिया
हाम्रो टीम

प्रबन्ध निर्देशक: नन्द सिंह
सम्पादक: लक्ष्मी बुढा
सह–सम्पादक:
प्रमुख रिर्पोटर: लोग भण्डारी
रिर्पोटर: ऐटन रावल

सम्पर्क

karnaliserophero.com
tel: ०८७६८०१६२
mobile no : ९८४८३१८०९२
karnaliserophero[email protected]
[email protected]

हाम्रो बारे

सूचना विभाग दर्ता नं. ४८५८–२०८१–२०८२

    प्रकाशक
रेजिना मल्टी मिडिया
सिमकोट ५ , हुम्ला