हुम्ला । हुम्लाको सिमकोट गाउँपालिका–१ तल्लो सागोमा ट्याक्टर दुर्घटना हुँदा सहचालकको घटनास्थलमै मृत्यु भएको छ ।
बुधबार साँझ ६ः०५ बजे चुवाखोलाबाट दोजामतर्फ आउँदै गरेको कर्णाली प्रदेश ०२–००१ त ०१५५ नम्बरको ट्याक्टर दुर्घटना हुँदा सहचालक सिमकोट गाउँपालिका–६ निवासी धानुक सुनारको मृत्यु भएको हो ।
प्रहरीका अनुसार दोजाम निवासी ३० वर्षीय नाकु लामाले चलाएको उक्त ट्याक्टरको ब्रेक फेल भई दुर्घटना भएको थियो। दुर्घटनाका क्रममा ट्याक्टरको टायरमा परेर सहचालक सुनारको घटनास्थलमै मृत्यु भएको जनाइएको छ ।
ट्याक्टर चालक लामाले टेलिफोनमार्फत प्रहरी चौकी ठेहेमा घटनाबारे जानकारी गराएपछि प्रहरी सहायक निरीक्षक हरि बहादुर काउछाको कमान्डमा तीन जनाको प्रहरी टोली घटनास्थलतर्फ खटिएको थियो ।
प्रहरीका अनुसार दुर्घटनास्थल प्रहरी चौकी ठेहेबाट पूर्वतर्फ करिब तीन घण्टा पैदल दूरीमा रहेको छ। दुर्घटनापछि चालक, मृतकको शव र ट्याक्टर घटनास्थलमै रहेको जनाइएको छ ।
घटनाबारे थप विवरण आउन बाँकी रहेको र ठेहे प्रहरी चाैकीकाे टाेलि घटनास्थल तर्फ जादै गरेकाे प्रहरी नायव उपरीक्षक शंकर खड्काले जानकारी दिनुभयो ।